مرغی کا گوشت اور انڈے مزید مہنگے ہو گئے

لاہور، پشاور: برائلر مرغی کا گوشت اور انڈے مزید مہنگے ہو گئے ہیں، گوشت کی فی کلو قیمت میں 17 روپے کا اضافہ ہو گیا ہے۔

لاہورمیں برائلر گوشت کی فی کلو قیمت میں مزید 17 روپے اضافے کے بعد نئی قیمت 580 روپے کلو مقرر کی گئی ہے۔

انٹر بینک میں ڈالر سستا، اسٹاک مارکیٹ میں کاروبار میں تیزی

دو روز کے دوران برائلر مرغی کا گوشت 32 روپے کلو مہنگا ہو ا، زندہ برائلر مرغی کا تھوک ریٹ 385 روپے فی کلو مقرر کیا گیا ہے۔

زندہ برائلر مرغی کا پرچون ریٹ 400 روپے فی کلو مقرر کیا گیا ہے، انڈے چار روپے فی درجن مہنگے ہو گئے ہیں۔

فارمی انڈوں کی فی درجن سرکاری قیمت 246 روپے مقرر کی گئی ہے۔

سوزوکی کمپنی کا اپنی گاڑیاں سستی کرنے کا اعلان

پشاور میں زندہ مرغی کی فی کلو قیمت میں 10 روپے کا اضافہ ہو گیا ہے، ڈیلرز کا کہناہے کہ زندہ مرغی کی طلب میں اضافہ کی وجہ سے قیمت میں اضافہ ہوا ہے۔

پشاور میں زندہ مرغی کی سرکاری فی کلو قیمت 405 سے بڑھ کر 415 روپے ہو گئی ہے۔