نیدر لینڈ، 3ہزار گاڑیوں سے لدے بحری جہاز میں آتشزدگی، ایک ہلاک، 22 زخمی

ایمسٹرڈم: نیدر لینڈز کے شمالی ساحلی علاقے سے گزرنے والے سمندری کارگو جہاز میں آگ لگ گئی جس کے نتیجے میں ایک شخص ہلاک اور متعدد زخمی ہو گئے ہیں جب کہ عملے کے کئی افراد نے جہاز سے کود کر جانیں بچائی ہیں۔

ہالینڈ کے سابق فٹبالر نے اسلام قبول کر لیا

مؤقر امریکی نشریاتی ادارے سی این این اور سی بی ایس نیوز کے مطابق واقعہ ایملنیڈ کے ڈچ جزیرے کے قریب پیش آیا جہاں ایک کارگو جہاز میں تین ہزار گاڑیاں لدی ہوئی ہیں۔

ڈچ کوسٹ گارڈ کے مطابق پانامہ کے کارگو شپ میں 25 الیکٹرک گاڑیوں سمیت 2 ہزار857 گاڑیاں جرمنی سے مصر لے جائی جا رہی تھیں۔

میڈیا رپورٹس کے مطابق جہاز میں عملہ بھی موجود تھا، آگ کے نتیجے میں جہاز کا ایک ملازم ہلاک اور 22 افراد متاثر ہوئے ہیں جنہیں سانس میں دشواری، جھلسنے سمیت دیگر زخموں کی وجہ سے اسپتال منتقل کیا گیا ہے۔

حادثہ بحیرہ شمالی کے ایسے علاقے میں پیش آیا ہے جسے عالمی ثقافتی ورثہ قرار دیا گیا ہے اور آگ بجھانے کیلئے آپریشن جاری ہے۔

 750ٹن ایندھن لے جانے والا بحری جہاز ڈوب گیا

ڈچ کوسٹ گارڈ کے ترجمان کے مطابق جہاز میں آگ لگنے کا واقعہ جہاز میں موجود 25 الیکٹرک گاڑیوں میں سے کسی ایک کی وجہ سے پیش آیا ہے۔

کوسٹ گارڈ حکام کی جانب سے خدشہ ظاہر کیا گیا ہے کہ لگنے والی آگ کچھ دن تک بھڑکتی رہے گی، ریسکیو آپریشن کے دوران آگ کو بجھانے کیلئے جہاز پر پانی ڈالا ہے لیکن جہاز کے ڈوبنے کے خطرے کے پیش نظر زیادہ پانی ڈالنے سے گریز کیا جارہا ہے۔

مال بردار جہاز شمالی جرمنی کی بریمرہیون بندرگاہ سے منگل کو مقامی وقت کے مطابق تقریباً 15:00 بجے مصر کے پورٹ سعید کے لیے روانہ ہوا تھا، رات کے وقت اس جہاز کو حادثہ پیش آیا جبکہ جہاز کے عملے نے آگ کو بجھانے کی کوشش بھی کی لیکن انہیں ناکامی کا سامنا رہا۔

سوڈان میں ہزاروں بھیڑوں سے بھرا بحری جہاز ڈوب گیا

میڈیا رپورٹس کے مطابق متاثرہ جہاز کو دیگر جہازوں کے راستے سے ہٹانے کیلئے ٹگ بوٹ کا استعمال بھی کیا جا رہا ہے۔