امریکی فوج کی لاکھوں حساس ای میلز روسی اتحادی ملک مالی کے پاس پہنچ گئیں

لندن: امریکی فوج کی لاکھوں حساس ای میلز ٹائپنگ کی غلطی سے روس کے اتحادی ملک مالی کو بھیج دی گئی ہیں۔

امریکہ، بھارتی نژاد شہری کو 800 افراد کی انسانی اسمگلنگ پر سزا

مؤقر برطانوی اخبار بزنس انسائیڈر اور بی بی سی کے مطابق ڈومین میں ٹائپنگ کی معمولی غلطی سے برسوں سے امریکی فوج کی ای میلز مالی کو جاتی رہی ہیں۔

میڈیا رپورٹ کے مطابق امریکی محکمہ دفاع پینٹاگون کا اس حوالے سے کہنا ہے کہ ای میلز کے مسئلے سے نمٹنے کے لیے اقدامات اٹھا رہے ہیں۔

رپورٹ کے مطابق امریکی فوج کا ڈومین mil. اور مالی کا ڈومین ml. ہے، امریکی فوج کی مالی کو جانے والی ای میلز میں پاس ورڈز، میڈیکل ریکارڈز، فوجی تنصیبات کے نقشے، فوجی افسران کی سفری تفصیلات جیسی حساس معلومات شامل ہیں۔

امریکہ، خود کو کم عمر لڑکی ظاہر کرنے والی خاتون گرفتار

خبر کا پہلی مرتبہ انکشاف کرنے والے مؤقر برطانوی اخبار فنانشل ٹائمز کا کہنا ہے کہ مالی کے قومی ڈومین کا نظام چلانے والے ڈچ شہری زیوربیئر نے 10 سال پہلے اس مسئلے کی نشاندہی بھی کی تھی۔

زیویئر حالیہ مہینوں میں مبینہ طور پر ہزاروں غلط ای میلز چیک کر چکے ہیں اور بار رہا امریکی حکام کی توجہ اس سنگین غلطی کی جانب مبذول کرا چکے ہیں۔

پاکستان کے ساتھ تکنیکی رابطہ جاری رہے گا، امریکہ

امریکی حکام کے مطابق محکمہ دفاع اس صورتحال سے آگاہ ہے اور فوجی ای میلز غلط ڈومینز پر نہ بھیجے جانے کو یقینی بنانے کے لیے اقدامات کیے جا رہے ہیں۔