بوگاٹی خریدیں وہ بھی صرف 1 لاکھ 68 ہزار روپے میں

گاڑیاں بنانے والی نامور فرانسیسی کمپنی ‘بوگاٹی’ کا شمار دنیا کی مہنگی اور جدید ترین کار بنانے والی کمپنیوں میں ہوتا ہے۔

غیر ملکی خبر رساں ادارے کی رپورٹ کے مطابق بوگاٹی کی کاروں میں جدید ترین ٹیکنالوجی کا استعمال کیا جاتا ہے جو اسے دوسرے برینڈ کی کاروں سے منفرد بناتا ہے تاہم عام آدمی اس کار کو خریدنے کی سکت نہیں رکھتا اس لیے بوگاٹی کو امیر اور رائیس لوگوں کی کار بھی کہا جاتا ہے۔

حال ہی میں تین منفرد اسمارٹ گھڑیاں متعارف کرائی گئی ہیں جن کو بوگاٹی کا ہی نام دیا گیا ہے اور اس کے قیمت 4 ہزار درہم یعنی ایک لاکھ 68 ہزار روپے بنتی ہے۔

آسٹریا کی اسمارٹ گھڑیاں بنانے والی کمپنی وییٹا نے بوگاٹی کو خراج تحسین پیش کرنے کے لیے یہ گھڑیاں متعارف کرائی ہیں۔

تینوں اسمارٹ گھڑیوں میں لاتعداد فیچرز موجود ہیں جن میں 90 مختلف کھیل، خون میں شوگر کی مقدار، آپ کی رفتار اور خاص طور بوگاٹی کار استعمال کرنے والوں جی پی ایس سسٹم بھی دیا گیا ہے۔