ایران کے جوابی حملوں کے دوران کن ممالک میں دھماکے سنے گئے؟

ایران پر امریکا اور اسرائیل کی جانب سے مشترکہ حملوں کے جواب میں تہران کی جانب سے کی گئی جوابی کارروائی کے دوران متعدد ممالک میں دھماکوں کی اطلاعات موصول ہوئی ہیں۔

یو ای اے کے سرکاری میڈیا کے مطابق ابوظہبی میں حملے کے دوران ایک شخص جاں بحق ہوا ہے۔

الجزیرہ کے مطابق دھماکے اور الرٹ درج ذیل علاقوں میں ریکارڈ کیے گئے:

• اردن کی فضائی حدود میں 2 بیلسٹک میزائل داغے گئے، اردن فوج کی تصدیق۔
• متحدہ عرب امارات۔ دبئی ابو ظبی میں دھماکوں کی خبریں۔
• بحرین۔ جفائر اور ماناما میں دھماکوں کی ویڈیو فوٹیج موصول ہوئی۔
• کویت اور سعودی عرب۔ ریاض میں دھماکوں کی اطلاعات۔
• قطر۔ دوحا میں متعدد دھماکے ہوئے، تاہم قطر کی وزارت دفاع نے بتایا کہ میزائل مار گرائے گئے اور کوئی نقصان نہیں ہوا۔

Explosions hit Jufair, Bahrain, home to the US Fifth Fleet headquarters. pic.twitter.com/YjXTCeykOY

— Josep Goded (@josepgoded) February 28, 2026

ایران کے وزارت خارجہ نے بیان جاری کرتے ہوئے کہا کہ امریکی اور اسرائیلی حملے ملک کی قومی خودمختاری اور دفاعی انفراسٹرکچر کو نشانہ بنانے کی کوشش ہیں۔ بیان میں مزید کہا گیا کہ اسرائیل نےایران کی فوجی تنصیبات کیساتھ شہریوں کوبھی نشانہ بنایا۔

ایرانی وزارتِ خارجہ نے مزید کہا کہ ایران خطےکےتمام امریکی فوجی اڈوں پرحملہ کرے گا۔

دوسری جانب، اسرائیل نے دعویٰ کیا ہے کہ اس کی کارروائی پیشگی دفاع کے لیے تھی تاکہ ایران کے ممکنہ خطرات کو ختم کیا جا سکے۔ امریکہ نے بھی اپنے فضائی حملوں کی تصدیق کی ہے، جبکہ ایران کے سپریم لیڈر آیت اللہ علی خامنہ‌ای کو محفوظ مقام پر منتقل کر دیا گیا ہے۔