اسلام آباد ہائی کورٹ میں لازوال عشق شو کی نشریات کے خلاف درخواست دائر

اسلام آباد ہائی کورٹ میں رئیلٹی ٹی وی شو لازوال عشق پر نازیبا مواد نشر کرنے کے الزام میں آئینی درخواست دائر کی گئی ہے۔

امان ترقی پارٹی کے چیئرمین محمد فائق نے درخواست دائر کرتے ہوئے کہا کہ یہ شو لازوال عشق ملک کی مذہبی اور سماجی اقدار کے منافی مواد پیش کر رہا ہے۔

امریکہ میں ہانیہ عامر کی طبیعت ناساز، اسپتال میں داخل

درخواست میں عدالت سے استدعا کی گئی ہے کہ پاکستان الیکٹرانک میڈیا ریگولیٹری اتھارٹی اور پاکستان ٹیلی کمیونیکیشن اتھارٹی کو ہدایت دی جائے کہ وہ ڈیجیٹل پلیٹ فارمز پر اس نازیبا مواد کی سخت نگرانی کریں، عدالت سے کونسل آف اسلامک آئیڈیالوجی کے کردار کے بارے میں بھی رہنمائی طلب کی گئی ہے۔

لازوال عشق شو عائشہ عمر کی میزبانی میں پیش کیا جا رہا ہے اور یہ ترکی کے رئیلٹی شو آسک آڈاس پر مبنی ہے، پروگرام میں مرد و خواتین ایک ولا میں رہتے ہیں، تعلقات بناتے ہیں، چیلنجز میں حصہ لیتے ہیں اور کیمرے ان کے تعاملات ریکارڈ کرتے ہیں، جس میں ایک جوڑا فاتح کے طور پر سامنے آتا ہے۔

یوٹیوبر عرفان جونیجو کی ایف سی بارسلونا سے بات چیت، نیا پراجیکٹ جلد متوقع

پچھلے ماہ شو کے ٹیزر کی ریلیز کے بعد آن لائن شدید ردعمل سامنے آیا تھا، بعض صارفین نے اسے پاکستانی تفریحی صنعت کے لیے جرات مندانہ قدم قرار دیا، جبکہ دیگر نے مکمل بائیکاٹ اور پروڈیوسرز کے خلاف کارروائی کا مطالبہ کیا۔

پیمرا نے تصدیق کی کہ انہیں شو کے حوالے سے متعدد شکایات موصول ہوئیں، تاہم لازوال عشق کو پاکستان میں ٹیلی ویژن نشریات کے لیے لائسنس نہیں دیا گیا، اس کی ریگولیٹری طاقتیں صرف لائسنس یافتہ چینلز تک محدود ہیں، جبکہ یہ پروگرام یوٹیوب اور دیگر ڈیجیٹل پلیٹ فارمز پر نشر ہو رہا ہے۔