مشہور یوٹیوبر ڈکی بھائی اور ان کی اہلیہ عروب جتوئی کی قریبی دوست اور بزنس پارٹنر اقرار کنول نے پہلی بار عوام کے سامنے ذہنی صحت کے بارے میں بات کی ہے۔
اقرار کنول نے کہا کہ جیل کے دوران درپیش مشکلات اور قانونی دباؤ نے ڈکی بھائی پر گہرا اثر چھوڑا ہے اور انہیں فی الحال سکون، وقت اور پرائیویسی کی ضرورت ہے۔
نیٹ فلکس اور وارنر برادرز ڈسکوری کے درمیان 72 ارب ڈالر کی تاریخی ڈیل
انہوں نے کہا کہ جو تکلیف انہیں جیل میں ہوئی، وہ کسی نے محسوس نہیں کی، اصل زخم صرف انہی کے ہیں، ڈکی بھائی اور عروب اس وقت اس کیفیت میں نہیں کہ میڈیا یا عوام سے ملاقات کر سکیں۔
انہوں نے کہا کہ ڈکی بس اپنے خاندان کے ساتھ کچھ وقت گزارنا چاہتے ہیں، اس وقت وہ کسی سے ملاقات کے موڈ میں نہیں ہیں، جب وہ بہتر ہو جائیں گے تو سب بیٹھ کر بات کریں گے، فی الحال، انہیں تنہائی، سکون اور وقت کی ضرورت ہے۔
ڈکی بھائی کے مداحوں کی بڑی تعداد نے سوشل میڈیا پر ان کی ذہنی حالت کے بارے میں تشویش کا اظہار کیا۔ کئی مداحوں نے لکھا کہ تازہ ترین اپ ڈیٹس ظاہر کرتی ہیں کہ یہ تجربہ ان پر کتنے گہرے اثرات چھوڑ گیا ہے۔ مداحوں نے دل کی گہرائیوں سے دعائیں بھی بھیجیں، اور ڈکی اور آروب دونوں کے لیے صحت، سکون اور آرام کی خواہش کی۔
ٹک ٹاکر پیاری مریم کے انتقال سے قبل کا آخری ولاگ وائرل، سوشل میڈیا پر نئی بحث چھڑ گئی
واضح رہے کہ ڈکی بھائی پر الزام تھا کہ انہوں نے مبینہ طور پر ایک غیر قانونی جوا ایپ کو پروموٹ کیا، جس پر نیشنل سائبر کرائم انویسٹی گیشن ایجنسی (NCCIA) نے ان کے خلاف مقدمہ درج کیا اور ان کی آن لائن سرگرمیوں کی تحقیقات شروع کیں۔
