توشہ خانہ کیس میں سزا سنائے جانے کے بعد عمران خان کی اہلیہ بشریٰ بی بی اڈیالہ جیل پہنچ گئیں۔
بانی پی ٹی آئی اور سابق وزیراعظم عمران خان کی اہلیہ بشریٰ بی بی توشہ خانہ کیس میں 14 سال قید کی سزا سنائے جانے کے بعد خود اڈیالہ جیل پہنچیں۔
توشہ خانہ ،عمران خان اور بشریٰ کو 14، 14 سال سزا، 10 سال کیلئے نااہل، 1 ارب 57 کروڑ جرمانہ
ذرائع کے مطابق بشریٰ بی بی اڈیالہ راولپنڈی جیل پہنچ کر انتظار گاہ میں بیٹھی ہیں، اب تک انہیں گرفتار نہیں کیا گیا ہے۔ عدالت کی جانب سے وارنٹ گرفتاری جاری ہونا باقی ہے۔
ذرائع کا کہنا ہے کہ بشریٰ بی بی کی گرفتاری کے لیے دیگر آپشنز زیر غور ہیں۔
بشریٰ بی بی کے اڈیالہ جیل پہنچنے کے مناظر، لیگل ٹیم سے مشاورت کے بعد خود گرفتاری دینے پہنچیں۔۔!! pic.twitter.com/Ti1CNo4Vfe
— Khurram Iqbal (@khurram143) January 31, 2024
خیال رہے کہ احتساب عدالت کے جج محمد بشیر نے اڈیالہ جیل میں توشہ خانہ کیس کی سماعت کے بعد عمران خان اور بشریٰ بی بی کو کو 14،14 سال کی قید بامشقت کی سزا اور جرمانہ بھی کیا گیا۔
عدالت نے سابق چیئرمین پی ٹی آئی کو 10 سال کے لیے کسی بھی عوامی عہدے کیلئے نااہل بھی قرار دے دیا ہے۔
