پشاور: عوامی نیشنل پارٹی (اے این پی) کے رہنما ابرار خلیل قاتلانہ حملے میں بھانجے سمیت جاں بحق ہو گئے ہیں۔
یہ افسوس ناک واقعہ بدھ کے روز اس وقت پیش آیا جب پشاورکے علاقے تہکال میں اے این پی کے مقامی رہنما کی گاڑی پر نامعلوم مسلح افراد نے فائر نگ کر دی، وہ ایک جنازے میں شرکت کرنے کے لیے وہاں گئے تھے۔
فائرنگ کے نتیجے میں ابرارخلیل بھانجے سمیت موقع پر ہی دم توڑ گئے۔ مقتول رہنما حالیہ انتخابات میں اے این پی کی طرف سے صوبائی اسمبلی کے امیدوار تھے۔
مقتولین کی میتیں مردہ خانے سے گھر منتقل کی جا رہی ہیں، مقامی پولیس کی جاب سے واقعے کا مقدمہ نامعلوم افراد کے خلاف درج کر کے تفتیش کا عمل شروع کر دیا گیا ہے۔
پولیس کا کہنا ہے کہ ابتدائی تحقیقات سے یہ ٹارگٹ کلنگ کا معاملہ لگتا ہے تاہم ابھی تک حملہ آوروں کی شناخت اور اس حملے کے پیچھے محرکات کے بارے یقین سے کچھ نہیں کہا جا سکتا۔
حالیہ انتخابات سے قبل اے این پی کے صوبائی سیکرٹری اطلاعات بیرسٹر ہارون بلور بھی ایک کارنر میٹنگ کے دوران خودکش حملے میں شہید ہو گئے تھے، حملے میں ان کے ساتھ 12 افراد بھی شہید ہوئے تھے۔
