پاکستان سپر لیگ (psl) کی دو نئی فرنچائزز کے لیے بولی کے عمل میں ایک اہم پیش رفت سامنے آگئی ہے، جہاں انویریکس سولر انرجی کو باضابطہ طور پر بولی دہندگان کی فہرست میں پہلی پوزیشن حاصل ہوگئی ہے۔
تفصیلات کے مطابق پی ایس ایل ٹیمز آکشن کے لیے اہل قرار دیے گئے دس بولی دہندگان میں انویریکس سولر انرجی کا نام سرفہرست ہے، جو کمپنی کے مضبوط وژن، سرمایہ کاری کے اعتماد اور اسٹریٹجک منصوبہ بندی کا واضح ثبوت ہے۔
And we’re off! 🤩@InverexSolar confirmed as Qualified Bidder #1 in the HBL PSL Teams Auction.#HBLPSL | #NewEra pic.twitter.com/l5lj5IELhH
— PakistanSuperLeague (@thePSLt20) January 5, 2026
اہل فہرست میں سب سے پہلے شامل ہونا اس بات کی عکاسی کرتا ہے کہ انویریکس مستقبل کے بڑے منصوبوں کے لیے مکمل طور پر تیار اور پُرعزم ہے۔
انویریکس سولر انرجی جدید ٹیکنالوجی، پائیدار توانائی اور مضبوط قیادت کے امتزاج کے ساتھ نہ صرف توانائی کے شعبے بلکہ کھیلوں کے میدان میں بھی نمایاں کردار ادا کرنے کے عزم کا اظہار کر رہی ہے۔
پی ایس ایل کی2نئی ٹیموں سے متعلق بڑی پیشرفت سامنے آگئی
کمپنی کا ماننا ہے کہ کرکٹ جیسے مقبول کھیل کے ذریعے مثبت قومی تشخص اور ترقیاتی پیغام کو مؤثر انداز میں فروغ دیا جا سکتا ہے۔
اس موقع پر انویریکس سولر انرجی کے چیف ایگزیکٹو آفیسر محمد ذاکر علی نے کہا کہ ہمیں کرکٹ اور اس کے شائقین پر مکمل یقین ہے۔ ہمارا وژن بہت سادہ مگر طاقتور ہے’’ پاکستان کو انرجائز کرنا، چاہے وہ میدان کے اندر ہو یا میدان کے باہر۔‘‘
A strong start to the next chapter ⚡
Inverex Solar Energy has been confirmed as the 1️⃣st of 1️⃣0️⃣ qualified bidders for the HBL PSL Teams Auction.#HBLPSL | #NewEra pic.twitter.com/uIETBlwwXc
— PakistanSuperLeague (@thePSLt20) January 5, 2026
انہوں نے مزید کہا کہ انویریکس سولر انرجی اس وطن کی ترقی اور خوشحالی کے لیے ہر ممکن قدم اٹھانے کو تیار ہے،’’اس ملک کے لیے جسے ہم فخر سے پاکستان کہتے ہیں۔‘‘
واضح رہے کہ پاکستان سپر لیگ کی دو نئی ٹیموں کے لیے نیلامی کی تقریب 8 جنوری کو اسلام آباد میں منعقد کی جائے گی، جہاں حتمی فیصلے متوقع ہیں اور پی ایس ایل کے دائرۂ کار میں ایک نئے اور دلچسپ مرحلے کا آغاز ہوگا۔
