لاہور: جامعہ اشرفیہ کے مہتمم مولانا فضل الرحیم اشرفی انتقال کر گئے۔
مرحوم طویل علالت کے باعث انتقال کر گئے، ان کی نماز جنازہ آج بعد از نماز ظہر جامعہ اشرفیہ میں ادا کی جائے گی۔
مولانا فضل الرحیم اشرفی پاکستان کے بڑے مذہبی ادارے جامعہ اشرفیہ کے مہتمم تھے اور قرآن بورڈ کے چیئرمین اور وفاق المدارس العربیہ پاکستان کے سرپرست تھے اس کے علاوہ وہ کئی دینی کتابوں کے مصنف تھے۔
مولانا فضل الرحمان نے کہا ہے کہ مولانا فضل الرحیم اشرفی کا انتقال علمی حلقوں کے لئے ناقابل تلافی نقصان ہے، مولانا فضل الرحمان نے مرحوم کی مغفرت اور لواحقین کیلئے صبر جمیل کی دعا کی۔
لکی مروت اور بنوں میں دہشتگردوں کی پولیس پر فائرنگ، چار اہلکار شہید
مولانا مفتی محمد تقی عثمانی، مولانا قاری محمد حنیف جالندھری، مولانا ڈاکٹر سعید احمد عنایت اللہ اور دیگر نے بھی تعزیت کا اظہار کیا ہے۔
