نصیرآباد کے علاقے ڈیرہ مراد جمالی میں بارش کے باعث ایک گھر کی چھت گرنے سے ایک ہی خاندان کے چار افراد جاں بحق ہو گئے۔
پولیس کے مطابق یہ افسوسناک واقعہ لانگھہ محلہ میں پیش آیا، جہاں رہائشی محمد پناہ سولنگی کے گھر کی چھت اچانک منہدم ہو گئی،پولیس نے بتایا کہ چھت گرنے کے نتیجے میں ماں اور اس کے تین بچے ملبے تلے دب گئے۔
واقعے کی اطلاع ملتے ہی پولیس اور امدادی ٹیمیں موقع پر پہنچ گئیں اور ملبہ ہٹا کر لاشیں نکالی گئیں، جاں بحق افراد کی لاشوں کو ضروری کارروائی کے بعد ڈی ایچ کیو اسپتال منتقل کر دیا گیا ہے۔
جھنگ میں خوفناک ٹریفک حادثہ، بس اور گاڑی میں تصادم سے 14 افراد جاں بحق
حادثے کے بعد علاقے میں سوگ کی فضا چھا گئی ہے جبکہ اہلِ محلہ غمزدہ خاندان سے اظہارِ افسوس کر رہے ہیں پولیس کے مطابق واقعے کی مزید تحقیقات جاری ہیں تاکہ حادثے کی وجوہات معلوم کی جا سکیں۔
