چیئرمین پیپلز پارٹی بلاول بھٹو زرداری سے پنجاب سے تعلق رکھنے والے پارٹی کے ارکان اسمبلی نے ملاقات کی جس میں انتخابی حلقوں کے عوامی مسائل اور درپیش چیلنجز پر تفصیل سے بات چیت کی گئی۔
ارکان اسمبلی نے بلاول بھٹو کو اپنے respective حلقوں میں عوام کو درپیش بنیادی سہولیات، ترقیاتی کاموں اور رابطہ عوام مہم کے حوالے سے بھی آگاہ کیا۔
ملاقات میں مخدوم علی قاسم گیلانی، مخدوم طاہر رشیدالدین، سید عامرعلی شاہ سمیت دیگر پارٹی رہنما بھی موجود تھے۔
ارکان نے پارٹی چیئرمین کو حلقہ جاتی معاونت اور تنظیمی معاملات پر اپنی تجاویز پیش کیں جبکہ مختلف علاقوں میں پارٹی کی سیاسی صورتحال پر بھی تبادلہ خیال کیا گیا۔
قانون شکنی کے بعد عمران خان سے ملاقات کا ایک فیصد بھی امکان نہیں، عطا تارڑ
بلاول بھٹو نے پارٹی رہنماؤں کو یقین دلایا کہ عوامی مسائل کے حل اور تنظیمی ڈھانچے کو مضبوط بنانے کے لیے ہر ممکن اقدامات کیے جائیں گے۔
انہوں نے کہا کہ پیپلز پارٹی عوام کے مسائل کے حل پر یقین رکھتی ہے اور منتخب نمائندوں کے ساتھ مسلسل رابطہ پارٹی پالیسی کا اہم حصہ ہے۔
