سیکیورٹی ذرائع نے واضح کیا ہے کہ افغان طالبان نے پاک فوج کے ہتھیار قبضے میں لینے کی من گھڑت ویڈیوز جاری کیں اور ان جھوٹی خبروں میں کوئی صداقت نہیں ۔
سکیورٹی ذرائع نے بتایا کہ افغان طالبان نے پاک فوج سے جنگ بندی کی درخواست کی ہے، افغان طالبان کی جارحیت کا منہ توڑ جواب دیا جا رہا ہے۔
قبل ازیں سکیورٹی ذرائع نے بتایا کہ پاک فوج نے چمن سیکٹر میں مؤثر جوابی کارروائی کی جس کے نتیجے میں متعدد افغان طالبان ہلاک ہو گئے۔
سپن بولدک میں مارٹر اور ٹینکوں سے افغان طالبان کیخلاف کارروائی کی گئی۔ پاک فوج کی جانب سے افغان طالبان کی پوسٹوں کو کامیابی سے نشانہ بنایا گیا۔
افغان طالبان سپاہی پاک فوج کے سامنے سرنڈر،ویڈیو سامنے آگئی
سکیورٹی ذرائع کے مطابق افغان طالبان اور فتنہ الخوارج کی جانب سے 3 مقامات پر علی الصبح حملہ کیا گیا، پاک فوج کی جوابی کارروائی نے افغان طالبان کو پسپا ہونے پر مجبور کر دیا۔
افغان طالبان اور فتنہ الخوارج کے دہشتگرد دیہات اور معصوم لوگوں کو بطور ڈھال استعمال کر رہے ہیں، جوابی کارروائی میں 15 سے 20 افغان طالبان ہلاک ہو گئے ہیں۔
سکیورٹی ذرائع نے کہا کہ افغان طالبان اور فتنہ الخوارج کے دہشتگردوں نے پاک افغان دوستی گیٹ کو اپنی طرف سے اڑا دیا، گیٹ کو تباہ کرنا ثابت کرتا ہے کہ افغان طالبان تجارت اور مقامی آمددورفت کے حامی نہیں۔
کرم سیکٹر میں افغان طالبان اور فتنہ الخوارج کی بلا اشتعال فائرنگ،پاک فوج کا بھرپور اور شدید جواب
علاوہ ازیں پاک فوج نے فتنہ الخوارج اور افغان طالبان کے کل رات کرم سیکٹر پر حملے کی کوشش بھی ناکام بنائی تھی، کرم سیکٹر پر جوابی حملے میں افغان طالبان کی 8 پوسٹیں اور 6 ٹینک عملے سمیت تباہ کئے گئے۔
پاک فوج نے کرم سیکٹر میں متعدد دہشتگردوں کو ہلاک اور امریکی ساخت اسلحہ قبضے میں لیا۔ پاک فوج کی جانب سے منہ توڑ جواب کے بعد کرم سیکٹر میں اس وقت خاموشی ہے، سپن بولدک میں مزید افغان طالبان اور فیتہ الخوارج کے اکھٹے ہونے کی اطلاعات موصول ہو رہی ہیں۔
