ملک میں کاروباری ہفتے کے چھٹے روز سونے کی قیمت میں ایک بار پھر اضافہ ریکارڈ کیا گیا ہے۔
صرافہ بازار ایسوسی ایشن کے مطابق ہفتے کے روز ملک میں فی تولہ سونا 2 ہزار100روپےمہنگا ہوکر4لاکھ 22ہزار700روپےکا ہوگیا۔
جب کہ 10گرام سونا1800روپےمہنگا ہوکر3 لاکھ 62ہزار 397 روپےکا ہوگیا ہے۔
سونا 4ہزار578روپےسستا،فی تولہ4لاکھ 20ہزار600روپےکا ہوگیا
گزشتہ روز سونے کی قیمت میں ہزاروں روپے کی کمی ریکارڈ کی گئی تھی۔
جمعے کو فی تولہ سونا 4ہزار578روپےسستا ہوکر4لاکھ 20ہزار600روپےکا ہوگیا تھا، اسی طرح 10گرام سونا 3ہزار924روپےکمی سے3لاکھ 60ہزار597روپےکا ہوگیا۔
ملک میں دالوں،چاولوں اورچینی کی قیمتوں میں نمایاں کمی
دوسری جانب ایک رپورٹ کے مطابق رواں سال 2025 میں سونا اب تک 53 فیصد مہنگا ہو چکا ہے، جب کہ 2024 میں اس کی قیمت میں 27 فیصد اضافہ ریکارڈ کیا گیا تھا۔
ماہرین کے مطابق موجودہ حالات میں سونا ایک محفوظ اثاثہ تصور کیا جا رہا ہے، اور عالمی مارکیٹ میں سونے کی قیمت جلد 5,000 ڈالر فی اونس کراس کر سکتی ہے۔
سونے کی قیمتوں میں اس تیزی کی وجوہات میں امریکی ڈالر کی کمزوری، عالمی سطح پر مرکزی بینکوں کی طرف سے خریداری، سیاسی بے یقینی، اور امریکا میں حکومت کی جزوی بندش شامل ہیں۔
امریکی حکومت کی شٹ ڈاؤن اب آٹھویں روز میں داخل ہو چکی ہے، جس سے اہم اقتصادی اعداد و شمار کی اشاعت مؤخر ہو گئی ہے۔
