وفاقی کابینہ نے ایک سے 16 گریڈ کے سرکاری ملازمین کی تنخواہوں میں 35 فیصد جب کہ اس سے اوپر کے گریڈ کے ملازمین کی تنخواہوں میں 30 فیصد اضافے کی منظوری دے دی۔
ذرائع کے مطابق وزیراعظم شہباز شریف کی زیرصدارت وفاقی کابینہ کے اجلاس میں آئندہ مالی سال کےبجٹ کی منظوری دے دی گئی۔
اس کے علاوہ کابینہ نے پینشز میں 17.5 فیصد اضافے کی بھی منظوری دے دی ہے۔ کابینہ نے کم سے کم اجرت میں سات ہزار کا اضافہ کرتے ہوئے 32 ہزار روپے مقرر کرنے کی منظوری دے دی ہے۔
فنانس بل کے مطابق بجٹ میں سالانہ ڈیڑھ کروڑ روپے سے زائد کمانے والوں پر سپر ٹیکس عائد کرنے کی تجویز دی گئی ہے۔
اس کے علاوہ سالانہ ساڑھے 3 سے 4 کروڑ روپے کمانے والوں پر 6 فیصد جب کہ 4کروڑ سے 5کروڑ روپے کمانے والوں پر 8فیصد سپر ٹیکس لگانے کی تجویز دی گئی ہے۔
مزید برآں سالانہ 5 کروڑ روپے سے زائد کمانے والوں پر10فیصد سپر ٹیکس لگانے کی تجویز ہے۔
