لاہور: انسدادِ دہشت گردی عدالت نے 9 مئی کو مبینہ طور پر کور کمانڈر ہاؤس پر حملے میں ملوث پی ٹی آئی رہنما خدیجہ شاہ کو شناختی پریڈ کے لیے سات روز کے لیے جیل بھیج دیا ہے۔
سانحہ 9 مئی میں مطلوب خدیجہ شاہ گرفتار
خدیجہ شاہ کو پولیس نے سر ڈھانپ کر کمرہ عدالت میں پیش کیا جہاں انسدادِ دہشت گردی نے شناخت پریڈ مکمل کرنے کے بعد خدیجہ شاہ کو دوبارہ 30 مئی کو عدالت میں پیش کرنے کا حکم دیا۔ عدالت نے خدیجہ شاہ کو کمرہ عدالت میں شوہر سے ملاقات کی اجازت دے دی۔
واضح رہے کہ خدیجہ شاہ نے 23 مئی کو اپنی گرفتاری دے دی تھی۔ ان پر سابق وزیراعظم عمران خان کو گرفتار کیے جانے کے بعد ہونے والی ہنگامہ آرائی میں ملوث ہونے کا الزام ہے، وہ پولیس کو مطلوب تھیں۔
تحریک انصاف پر پابندی کا جائزہ لیا جا رہا ہے، خواجہ آصف
فیشن ڈیزائنر خدیجہ شاہ سابق وزیر خزانہ سلمان شاہ کی بیٹی ہیں۔ انہیں دہشت گردی اور دیگر الزامات کے تحت سرور روڈ پولیس میں درج ایف آئی آر میں نامزد کیا گیا تھا۔
قبل ازیں 21 مئی کو لاہور میں جناح ہاؤس پر ہونے والے حملے کی مبینہ مرکزی ملزمہ خدیجہ شاہ نے خود کو پولیس کے حوالے کرنے کا فیصلہ کیا تھا جس کا انہوں نے سماجی رابطوں کی ویب سائٹ پر بذات خود اعلان بھی کیا تھا۔
سابق ڈی جی آئی ایس آئی جنرل (ر) فیض حمید 190 ملین پاؤنڈز کیس کے ماسٹر مائنڈ ہیں، فیصل واوڈا
میڈیا رپورٹس کے مطابق سوشل میڈیا پر سامنے آنے والے آڈیو پیغام میں خدیجہ شاہ نے کہا تھا کہ میں خود کو پولیس کے حوالے کرنے جا رہی ہوں اور میں نے یہ فیصلہ اس لیے کیا ہے کیونکہ پچھلے پانچ دن میرے لیے بہت مشکل رہے ہیں۔
