لاہور ایکسائز نے بغیر نمبر اور ٹیکس ڈیفالٹرز گاڑیوں کے خلاف جاری آپریشن میں قومی کپتان بابر اعظم کو نادہندہ سمجھ کر روک لیا، چیک کرنے پر ٹوکن ٹیکس دہندہ نکلے۔
محکمہ ایکسائز پنجاب کی جانب سے نادہندہ گان کے خلاف صوبہ بھر میں آپریشن جاری ہے،لاہور کی ٹیم نے لبرٹی چوک پر گاڑیوں کی چیکنگ میں مصروف تھی کہ کپتان بابر اعظم کی گاڑی کو ٹوکن ٹیکس بارے چیک کیا گیا،ایکسائز ڈائریکٹر محمد آصف کے مطابق بابر اعظم نے ٹوکن نادہندہ کے خلاف آپریشن پر ایکسائز ٹیم کو سراہا۔
ون ڈے پلیئرز رینکنگ، بابر اعظم کی پہلی پوزیشن برقرار
چیک کرنے پر معلوم ہوا کہ بابر اعظم کی گاڑی کا ٹوکن ٹیکس ادا ہے،ایکسائز ٹیم نے بابر اعظم کی جانب سے تعاون پر شکریہ ادا کیا اور سیلفیاں بھی بنائیں۔
قومی ٹیم کے کپتان کے بھائی فیصل اعظم کا کہنا تھا کہ بابر اعظم کی تمام گاڑیوں کا ٹوکن ٹیکس میں نے خود ادا کیا ہے، بابر اعظم کو ایکسائز والوں نے چیک کیا ٹوکن ٹیکس ادا تھا، ٹوکن ٹیکس ادا ہونے کے بعد اہلکاروں نے بابر اعظم کو سیلفی کی درخواست کی۔
