واشنگٹن: امریکی محکمہ خارجہ کے ترجمان ویدانت پٹیل نے کہا ہے کہ پاکستان کے ساتھ کئی معاملات پر بات چیت جاری ہے۔
ترجمان امریکی محکمہ خارجہ ویدانت پٹیل نے اپنے ایک بیان میں کہا کہ پاکستان کے ساتھ سکیورٹی امور پر اہم شراکت داری ہے اور پاکستان کے ساتھ کئی معاملات پر بات چیت جاری ہے۔
انہوں نے کہا کہ خوشحال، محفوظ اور جمہوری پاکستان امریکہ کے مفاد میں ہے جبکہ نجی سیکٹر کے ساتھ تجارت اور سرمایہ کاری کے مواقع بڑھانا چاہتے ہیں۔
یہ بھی پڑھیں: عمران خان کی گرفتاری، سیکرٹری جنرل اقوام متحدہ کے ترجمان کا بیان آ گیا
دوسری جانب امریکی محکمہ خارجہ نے تیل کی سپلائی کے لیے روس کو ناقابل بھروسہ قرار دیتے ہوئے کہا کہ سستے ایندھن کے حصول کے لیے مختلف ملکوں کے مسائل کو سمجھتے ہیں لیکن تیل کی سپلائی کے لیے روس ناقابل بھروسہ ہے۔
انہوں نے کہا کہ امید ہے روسی تیل کو کم قیمت پر خریدنے کے لیے ملک زیادہ فائدہ اٹھا سکیں۔
