عمران خان کو ختم کرنے سے پی ٹی آئی ختم نہیں ہوگی، شیخ رشید

شیخ رشید

شیخ رشید کا کہنا ہے کہ اس حکومت کا کوئی والی وارث نہیں، ان کااحترام ہے نہ کوئی مقام۔

سابق وزیر داخلہ کا کہنا تھا کہ نیب کوگالیاں دینے والے نیب کے شادیانے بجارہے ہیں، عدالتوں کے احترام کی بجائے گرفتاریاں کی جارہی ہیں۔

تیرہ پارٹیوں کی یہی خواہش ہے کہ عمران خان نااہل ہو اور جیل میں ہو، اداروں کوبخوبی علم ہے حکومت کی اہلیت اورصلاحیت صفر ہے۔

عمران خان کا 8 روزہ جسمانی ریمانڈ منظور

ان کا کہنا تھا کہ گزشتہ روز کی تقاریر رضیہ بٹ کے ناول کے سوا کچھ نہیں تھیں،اداروں کا احترام ہے،عمارتوں اور املاک کو نقصان پہنچانا مناسب نہیں ہے۔

جلاؤ گھیراؤ اس لیے ہواکہ لوگ خود گھروں سے نکل آئے،قیادت کو اٹھا ئیں گے تو پھر لوگوں کو لیڈ کون کرے گا؟

عمران خان کو ختم کرنے سے پی ٹی آئی ختم نہیں ہوگی،سابق وزیرداخلہ شیخ رشید کا کہنا تھا کہ اگر ذوالفقار بھٹو مفتی محمود سے بات کرسکتے ہیں تو یہ کیوں نہیں کرسکتے؟

حکمرانوں نے جتنی نیب ترامیم کی ہیں ان کا فائدہ عمران خان کو ہو گا۔


ٹیگز :
متعلقہ خبریں