تحریک انصاف کے رہنما حماد اظہر کا کہنا ہے کہ عمران خان پر دوران گرفتاری تشدد کرنے کی اطلاعات سامنے آرہی ہیں۔
ان کا کہنا تھا کہ عمران خان ہماری ریڈ لائن ہے، انہوں نے کوئی گناہ نہیں کیا۔ دوسری جانب اسلام آباد پولیس کا کہنا ہے کہ اسلام آباد میں دفعہ 144 نافذ العمل ہے،کسی بھی قسم کا تشدد نہیں کیا گیا۔
عمران خان اسلام آباد ہائی کورٹ سے گرفتار
آئی جی اسلام آباد ناصر اکبر کے مطابق عمران خان کو القادر ٹرسٹ اور توشہ خانہ کیس میں گرفتار کیا گیا ہے،آئی جی کا کہنا تھا کہ دفعہ 144 کی خلاف ورزی پر کارروائی عمل میں لائی جائے گی۔
