ٹیکنالوجی کے دور میں اب لوگوں کا بیشتر وقت اسمارٹ فونز پر موجود مختلف ایپس کو استعمال کرتے ہوئے گزر جاتا ہے۔
لوگوں اس بات کا ادراک بھی نہیں ہوتا کہ وہ فیس بک، یوٹیوب، واٹس ایپ یا ٹک ٹاک پر اپنی زندگی کے کتنے گھنٹے گزار چکے ہیں۔
اس حوالے سے میلٹ واٹر اور وی آر سوشل کے ذریعے اپریل 2023 میں شائع ہونے والی ’’ڈیجیٹل 2023 اپریل گلوبل اسٹیٹس شاٹ رپورٹ‘‘ میں data.ai کے ذریعے ایسا ڈیٹا جمع کیا گیا ہے جو بتاتا ہے کہ لوگ کن ایپس پر زیادہ وقت صرف کرتے ہیں۔
اس رپورٹ میں بتایا گیا ہے کہ 2022 کے آخری چار ماہ کے دوران ٹک ٹاک پر لوگوں نے اوسطاً 31 گھنٹوں سے زیادہ وقت گزارا ہے۔
معروف اسٹریمنگ ویڈیو پلیٹ فارم یوٹیوب اوسطاً 27 گھنٹے 19 منٹ فی مہینہ کے ساتھ دوسرے نمبر پر ہے۔
رپورٹ کے نتائج سے پتہ چلتا ہے کہ ٹک ٹاک صارفین نے ایپ پر گزارے ہوئے اپنے اوسط وقت میں پچھلی سہ ماہی کے مقابلے میں تیزی سے اضافہ دیکھا۔
خاص طور پر صارفین نے 2022 کے دوسرے سہ ماہی میں چینی اینڈرائیڈ ایپ پر ماہانہ اوسطاً 22 گھنٹے اور 9 منٹ گزارے۔
میٹا گروپ کا فیس بک سوشل میڈیا پلیٹ فارم اس سروے میں تیسرے نمبر پر آیا ہے جہاں صارفین ماہانہ اوسطاً 18 گھنٹے اور 17 منٹ تک وقت گزارتے ہیں۔
اس کے بعد 16 گھنٹے 50 منٹ کے ساتھ واٹس ایپ اور 12 گھنٹے کے ساتھ انسٹاگرام ہے۔
