بالی ووڈ کے معروف اداکار سلمان خان نے دبئی میں شعیب ملک اور ثانیہ ملک کے بیٹے اذہان ملک سے ملاقات کی ہے۔
ملاقات کی تصویری جھلکیاں سوشل میڈیا پر وائرل ہو رہی ہیں، ثانیہ مرزا کی بہن انعم مرزا نے انسٹاگرام پر ویڈیو شیئر کی ہے جس میں وہ دبئی میں اذہان کے ساتھ سیرو تفریح کر رہی ہیں۔
کسی کا بھائی کسی کی جان، سلمان خان کی فلم نے دھوم مچا دی
اس ویڈیو میں شعیب ملک اور ثانیہ مرزا کے بیٹے اذہان ملک کا کلپ بھی موجود ہے جس میں وہ معروف اداکار سلمان خان کے ساتھ موجود ہیں اور تصاویر اور ویڈیوز بنوا رہے ہیں۔
اس حوالے سے بھارتی میڈیا کا کہنا ہے کہ اپنی فلم کسی کا بھائی کسی کی جان کی پروموشن کے سلسلے میں سلمان خان دبئی میں موجودتھے جہاں ان کی اذہان ملک سے ملاقات ہوئی۔
سوشل میڈیا پر صارفین کی جانب سے اس پر دلچسپ تبصروں کا سلسلہ جاری ہے۔
