عمران خان توشہ خانہ کیس، نیا جج مقرر کر دیا گیا


تحریک انصاف کے رہنماو سابق وزیراعظم عمران خان کے خلاف توشہ خانہ کیس کے لئے نئے جج کو مقرر کر دیا گیا ہے۔

اب توشہ خانہ کیس کی سماعت اسلام آباد کی مقامی عدالت کے جج ہمایوں دلاور کریں گے۔

عدالت کا 1990 سے2023 تک کا توشہ خانہ ریکارڈ پبلک کرنے کا حکم

دوسری جانب اسلام آباد ہائی کورٹ میں عمران خان کی مقدمات کی تفصیلات فراہمی اور گرفتاری سے روکنے کی درخواست پر سماعت چیف جسٹس اسلام آبادہائیکورٹ عامر فاروق نے کی۔

عمران خان کے خلاف اسلام آباد میں درج کیسز کی تفصیل عدالت میں پیش کر دی گئیں، سرکاری رپورٹ کے مطابق عمران کے خلاف اسلام آباد میں درج مقدمات کی تعداد 29 ہے۔

حکومت نے توشہ خانہ تفصیلات پبلک کرنے کے عدالتی فیصلے کو چیلنج کر دیا

سرکاری وکیل کاکہنا تھا کہ عدالت کے حکم پر کیسز کی تفصیل عمران خان کو فراہم کر دی گئی ہے،عمران خان نے تفصیلات کی فراہمی کے لیے ابھی تک قانون کے مطابق رابطہ نہیں کیا۔

تفصیلات فراہمی پر اسلام آباد ہائی کورٹ نے عمران خان کی درخواست نمٹا دی۔


متعلقہ خبریں