بار کونسلز سیاسی ہو گئی ہیں، ایک ساتھ الیکشن کرائیں، آئین میں کہاں لکھا ہے؟ لطیف کھوسہ

اسلام آباد: پاکستان پیپلزپارٹی کے مرکزی رہنما اور ممتاز قانون دان سردار لطیف کھوسہ نے کہا ہے کہ سپریم کورٹ کے فیصلے پرعمل کرنا ہر ادارے پر آئین کے مطابق واجب اور لازم ہے۔

قومی اسمبلی :پنجاب الیکشن کیلئے 21ارب کی سپلمینٹری گرانٹ کی ڈیمانڈ مسترد

ہم نیوز کے پروگرام ’ہم مہر بخاری کے ساتھ‘ میں گفتگو کرتے ہوئے سابق گورنر پنجاب سردار لطیف کھوسہ نے کہا کہ تمام وکلا نے کہا ہے کہ ہم سپریم کورٹ اور چیف جسٹس کے پیچھے کھڑے ہیں، تمام سینئر وکلا نے کہا ہے کہ سپریم کورٹ کے فیصلے پر عمل درآمد ہونا لازم ہے۔

انہوں نے کہا سپریم کورٹ کا فیصلہ آئینی تقاضے کو پورا کرنے کیلئے آیا ہے، اگر آئین نہیں تو اس ملک میں انارکی ہے، جو بھی سپریم کورٹ کے حکم کی خلاف ورزی کرے گا اس پر آرٹیکل 204 لگے گا۔

سپریم کورٹ کو انہیں نا اہل کردینا چاہیے، کیا ہو گا؟ کل پتہ چلے گا، فواد چودھری

ایک سوال کے جواب میں پی پی کی سی ای سی کے رکن سردار لطیف کھوسہ نے کہا بار کونسلز سیاسی ہو گئی ہیں اس میں کوئی شک نہیں، بار کونسلز کہہ رہی ہیں کہ ایک ساتھ الیکشن کروائیں، یہ آئین میں کہاں لکھا ہوا ہے؟