اسلام آباد: عالمی مالیاتی ادارے (آئی ایم ایف) نے کہا ہے کہ گزشتہ مالی سال پاکستان میں بیروزگاری کی شرح 6 اعشاریہ 2 فیصد تھی جب کہ رواں سال یہ شرح 7 فیصد تک ہوگی۔
پاکستان ورلڈ بینک، آئی ایم ایف کا رکن ہے بھکاری نہیں، اسحاق ڈار
یہ بات آئی ایم ایف نے جاری کردہ ورلڈ اکنامک آؤٹ لک رپورٹ میں کہی ہے جس کے تحت رواں سال جی ڈی پی گروتھ صفر اعشاریہ 5 فیصد رہنے کی پیشن گوئی کی گئی ہے۔
جاری کردہ رپورٹ کے تحت مہنگائی ہدف سے زیادہ اور گروتھ کم رہے گی، مہنگائی کی شرح 27 اعشاریہ1 فیصد اور کرنٹ اکاؤنٹ خسارہ جی ڈی پی کا 2 اعشاریہ 3 فیصد تک ہوگا۔
عالمی مالیاتی ادارے نے اپنی رپورٹ میں آئندہ مالی سال معاشی صورتحال میں بہتری کی پیشن گوئی کرتے ہوئے کہا ہے کہ آئندہ مالی سال جی ڈی پی گروتھ 3 اعشاریہ 5 فیصد اور مہنگائی کم ہو کر 21 اعشاریہ 9 فیصد ہو گی۔
آئی ایم ایف کو ٹکر دینے کیلئے چین اور بڑے اسلامی ملک کا تگڑا منصوبہ
رپورٹ میں پیشگوئی کی گئی کہ آئندہ مالی سال کرنٹ اکاؤنٹ خسارہ جی ڈی پی کا 2 اعشاریہ 4 فیصد تک رہے گا۔
