نیوزی لینڈ کے خلاف سیریز میں عمر اکمل کو اسکواڈ کا حصہ نہ بنانے پر ان کے بڑے بھائی و سابق وکٹ کیپر بلےباز کامران اکمل برہم ہوگئے۔
یوٹیوب پر بات کرتے ہوئے انہوں نے کہا کہ ٹی20 اسکواڈ میں عمر اکمل کا نام کیوں شامل نہیں؟ اس نے گزشتہ سال اور اس سال مشکل حالات میں کرکٹ کھیلی جب موقع ملا ٹیم کیلئے کھیلنے کی کوشش کی مگر مواقع نہیں دیئے گئے۔
عمر اکمل نے اپنی غلطی تسلیم کرتے ہوئے سب سے معافی مانگ لی
انہوں نے کہا کہ مجھے سمجھانے یا بتانے کی ضرورت نہیں، ہر کوئی حقیقت سے بخوبی واقف ہے کہ انہیں ٹیم کا حصہ کیوں نہیں بنایا جارہا۔
ان کا کہنا تھا کہ عمر اکمل کو چاپلوسی کی عادت نہیں، اس لیے وہ سلیکٹرز کی نظروں میں نہیں آتے۔
