بھارت میں ایک شخص نے مبینہ طور پر بیوی کو کھانا نہ پکانے پر قتل کر دیا۔
بھارتی میڈیا رپورٹس کے مطابق یہ واقعہ بھارتی ریاست نئی دہلی میں پیش آیا ہے جہاں ایک 28 سالہ شخص بجرنگی گپتا نے اپنی بیوی کو چَھڑی کے وار کر کے مار ڈالا۔
پولیس نے ملزم کو گرفتار کر کے بتایا ہے کہ مذکورہ شخص نے اپنی بیوی کو اس لیے مارا کہ وہ سست تھی اور اس نے کبھی اس کے لیے کھانا نہیں پکایا۔
رپورٹس کے مطابق مذکورہ شخص کی بیوی کو زخمی حالت میں مقامی اسپتال میں لایا گیا، جہاں وہ زخموں کی تاب نہ لاتے ہوئے چل بسی۔
پولیس کا کہنا ہے کہ متاثرہ خاتون کی والدہ کے مطابق اس کی بیٹی کی شادی کو7 سال سے بھی کم عرصہ گزرا تھا، اس کا داماد بیٹی کو مارتا پیٹتا رہتا تھا۔
