پچھلے 24 گھنٹے میں بلوچستان کے مختلف اضلاع میں 9 دہشتگرد حملے ہوئے، جس کی تصدیق چیف سیکٹری بلوچستان عبدالعزیر عقیلی نے کی۔
چیف سیکٹری بلوچستان نے اپنے آفیشل اکاونٹ سے ٹوئٹ کرتے ہوئے لکھا کہ مختلف اضلاع میں دہشت گردوں نے 9 حملے کیے، لیکن سیکورٹی ادارے الرٹ ہیں، ایمرجنسی رسپانس ٹیموں نے شاندار طریقے سے کام کیا اور شہریوں کی جانیں بچانے میں کامیاب ہوئے۔ ابھی تک، کسی شہری کے جانی نقصان کی اطلاع نہیں ہے۔
9 different attacks by terrorists in various districts. All LEAs are alert. Emergency response teams have worked brilliantly and have managed to save all lives . As of now , no civilian life loss reported. pic.twitter.com/Rl4ByBjHdd
— Chief Secretary Balochistan (@cs_balochistan) December 25, 2022
مشیرداخلہ بلوچستان ضیا لانگو نے خبردار کرتے ہوئے کہا کہ دہشت گرد افغانستان سےدوبارہ منظم ہو کر واپس آگئے ہیں، انہوں نے کہا کہ بلوچستان میں مختلف دہشت گردی کے واقعات میں ملوث قوتوں کو معاف نہیں کیا جائے گا، ہنگامی اجلاس طلب کر لیا ہے، دہشت گردوں کے خلاف سخت ایکشن لیا جائے گا، انٹیلی جنس ادارے دہشت گردوں کے ٹھکانوں تک پہنچ گئے ہیں۔
سابق ڈپی اسپیکر قاسم سوری نے ٹوئٹ کی کہ بلوچستان میں ایک ہی دن میں دہشتگردی کےلگ بھگ 20 واقعات ہوئے، صرف 8 ماہ میں ان امپورٹڈ حکمرانوں کےکرپشن کیسز سےفارغ ہونے کی قیمت پاکستانی قوم دہشتگردی، معاشی تباہی، خوف ومایوسی کی شکل میں ادا کررہی ہے۔
بلوچستان میں ایک ہی دن میں دھشتگردی کےلگ بھگ 20 واقعات ہوئےاور پاکستان کا مین اسٹریم میڈیا وفاقی حکومت کی آغوش میں خواب خرگوش کےمزے لے رہاہے، صرف 8 ماہ میں ان امپورٹڈ حکمرانوں کےکرپشن کیسز سےفارغ ہونےکی قیمت پاکستانی قوم دھشتگردی، معاشی تباہی، خوف ومایوسی کی شکل میں ادا کررہی ہے۔
— Qasim Khan Suri (@QasimKhanSuri) December 25, 2022
گزشتہ روز کوئٹہ میں سبزل روڈ تھانے کے سامنے دھماکے میں 4 افراد زخمی ہوئے، ڈی ایس پی کے مطابق دھماکے میں زخمی ہونے والوں میں خاتون اور ایک بچہ بھی شامل ہے، جبکہ دھماکے کے مقام سے ملنے والے دستی بم کو ناکارہ بنا دیا گیا ۔
کوئٹہ میں سیٹلائٹ ٹاؤن کے علاقے چالو باوڑی کے قریب نامعلوم افراد نے پولیس ناکے پر دستی بم سے حملہ کیا۔ پولیس کے مطابق دھماکے سے تین اہلکار زخمی ہوئے، پولیس اور سیکورٹی فورسز نے علاقے کو گھیرے میں لے لیا۔
جبکہ حَب میں صدر تھانے کے سامنے دھماکے سے تین افراد زخمی ہوئے۔
بلوچستان کے علاقے ژوب میں سیکیورٹی فورسز نے خفیہ اطلاع پر آپریشن کیا، آپریشن کے دوران شدید فائرنگ کے تبادلے میں ایک دہشت گرد مارا گیا جبکہ ایک سپاہی بھی شہید ہوگیا۔
یہ بھی پڑھیں: اسلام آباد، سیکیورٹی ہائی الرٹ، چیکنگ مزید سخت
آئی ایس پی آر کے مطابق ، ژوب میں سیکیورٹی فورسز نے خفیہ اطلاع پر آپریشن کیا، افغان سرحد پر دہشت گردوں نے پاکستان میں گھسنے کی کوشش کی جن کو روکا گیا، آپریشن میں ایک دہشت گرد مارا گیا، فائرنگ کے تبادلے میں فورسز کا سپاہی حق نواز بھی شہید ہوگیا جبکہ دو جوان زخمی ہوئے۔
سرحد پار سے دہشت گردوں کے سہولت کاروں نے بھی فائرنگ کی، صدر اور وزیر اعظم نے ژوب میں آپریشن کے دوران شہید سپاہی حق نواز کوخراج عقیدت پیش کیا، وزیراعظم شہباز شریف نے کہا کہ قوم کے بہادر بیٹے دہشت گردوں کے عزائم کو خاک میں ملا رہے ہیں ، قوم اپنے شہیدوں کو سلام پیش کرتی ہے۔
بلوچستان میں کلیئرنس آپریشن کے دوران کیپٹن سمیت پانچ جوان شہید ہو گئے۔
آئی ایس پی آر کے مطابق بلوچستان کے علاقے کاہان میں کلیئرنس آپریشن جاری ہے۔ آپریشن کے دوران بارودی سرنگ کا دھماکا ہوا۔ بارودی سرنگ دھماکے میں کیپٹن سمیت پانچ جوان شہید ہو گئے ۔
