پی ایس ایل کے 2 میچز کوئٹہ میں کرانے کا اعلان


لاہور: پاکستان کرکٹ بورڈ (پی سی بی) نے پاکستان سپرلیگ (پی ایس ایل) سیزن 8 کے میچز کوئٹہ میں کرانے کا اعلان کر دیا۔

پی سی بی مینجمنٹ کمیٹی کے سربراہ نجم سیٹھی نے اپنی پہلی میٹنگ میں اعلان کیا کہ پی ایس ایل سیزن 8 کے 2 میچز کوئٹہ میں کرائے جائیں گے۔

نجی سیٹھی نے کہا کہ پی ایس ایل کوئٹہ جائے گی جس کے لیے کور کمانڈر کوئٹہ سے بات ہو گئی ہے اور اسی ایڈیشن میں کوئٹہ کو کم از کم 2 میچز دینے کا فیصلہ کیا ہے۔

انہوں نے کہا کہ سکیورٹی اداروں کی جانب سے کوئٹہ میں بھرہور سیکیورٹی کی یقین دہانی کرا دی ہے اور اسی لیے کوئٹہ میں میچز کرانے کا فیصلہ کیا ہے۔

یہ بھی پڑھیں: ثناء میر کا پی سی بی مینجمنٹ کمیٹی کا رکن بننے سے انکار

نجم سیٹھی کا کہنا تھا کہ نئی سلیکشن کمیٹی کا اعلان ہفتے کو کیا جاسکتا ہے جبکہ انہوں نے قومی ٹیم کے لیے تجربہ کار غیرملکی کوچز بھی لانے کا عندیہ بھی دے دیا۔


متعلقہ خبریں