پاکستان تحریک انصاف کے رہنما شہباز گل کو اسلام آباد سے گرفتار کر لیا گیا۔
ذرائع کے مطابق اسلام آباد پولیس نے تھانہ کوہسار میں ضلعی انتظامیہ کی مدعیت میں بغاوت سمیت دس دفعات کے تحت مقدمہ درج کر لیا ہے۔
قدمے میں شہباز گل پر فوج کے خلاف اکسانے کا الزام اور نجی ٹی وی چینل پر کی گئی گفتگو کا بھی ذکر کیا گیا ہے۔
متن کے مطابق ملزم نےبیان سوچ سمجھ ملکی سالمیت کو نقصان پہچانے کیلئے دیا ۔ ملزم ایسا بیان دے کر ملک دشمن ایجنڈے کی تکمیل مجرمانہ سازش کا مرتکب ہوا ہے۔
دوسری جانب پاکستان تحریک انصاف نے آج ہی عدالت سے رجوع کرنے کا اعلان کیا ہے۔
پی ٹی آئی رہنما مراد سعید نے شہباز گل کی گرفتاری کی خبر دیتے ہوئے سوشل میڈیا پلیٹ فارم ٹوئٹر پر ایک پیغام میں کہا ہے کہ شہباز گل کو گرفتار کرلیاگیا ۔حکومت بوکھلاہٹ کا شکار ہے۔
شہباز گل کو گرفتار کر لیا گیا۔ امپورٹڈ حکومت بوکھلاہٹ کا شکار
— Murad Saeed (@MuradSaeedPTI) August 9, 2022
ان کا کہنا ہے کہ شہباز گل کی گاڑی کے شیشے بھی توڑ دیئے گئے۔ شہباز گل کی گاڑی پر حملہ آور ہوئے،اسٹنٹ پر تشدد کیا، شہباز گل کو اغوا کر لیا گیا۔
شہباز گل کی گاڑی پر حملہ آور ہوئے،اسٹنٹ پر تشدد کیا، شہباز گل کو اغوا کر لیا گیا۔ pic.twitter.com/9KBdkAsXGI
— Murad Saeed (@MuradSaeedPTI) August 9, 2022
سابق وفاقی وزیر فواد چودھری کا کہنا ہے کہ شہباز گل کو بنی گالہ چوک سے بغیر نمبر پلیٹ گاڑیوں میں سوار افراد اغوا کر کے لے گئے۔
شہباز گل کو بنی گالا چوک سے بغیر نمبر پلیٹ گاڑیوں میں آئے لوگوں نے اغواء کر لیا ہے
— Ch Fawad Hussain (@fawadchaudhry) August 9, 2022
پی ٹی آئی رہنما فرخ حبیب نے کہا ہے کہ اوچھے ہتھکنڈوں سے ڈرایا اور دبایا نہیں جا سکتا۔ شہباز گل کو فوری طور پر رہا کیا جائے۔
ذرائع کے مطابق شہباز گل کو پولیس لائن منتقل کردیا گیا، مقدمے کا ڈرافٹ تیار کر لا گیا ہے۔شہباز گل کے خلاف بغاوت سمیت سنگین دفعات کے تحت مقدمہ درج کیا جارہا ہے۔
