اسلام آباد: چیئرمین پاکستان تحریک انصاف عمران خان نے کہا ہے کہ سازش کے تحت ہماری حکومت گرائی گئی، حکومت گری تو یہ مطمئن تھے کہ پی ٹی آئی ختم ہو گئی، خوفزدہ ہو کر اسلام آباد بند کردیا، اسے قلعے بنا دیا۔
حکومت کا پی ٹی آئی کیخلاف ڈکلیئریشن سپریم کورٹ بھیجنے کا فیصلہ
ہم نیوز کے مطابق سابق وزیراعظم عمران خان نے مختلف شہروں میں ہونے والے احتجاج سے بذریعہ وڈیو لنک خطاب کرتے ہوئے استفسار کیا کہ یہ لوگ اتنے خوفزدہ کیوں ہیں؟ میں 25 مئی والا ظلم کبھی نہیں بھولوں گا۔
انہوں نے کہا کہ میں 26 سال سے سیاست میں ہوں، ہمیشہ کوشش کی آئین اور قانون کے اندر رہتے ہوئے احتجاج کریں، انہوں نے خوفزدہ ہو کر اسلام آباد بند کر دیا، قلعہ بنا دیا، ہماری حکومت ہر مشکل سے نکلتی جا رہی تھی، ہم نے کورونا وبا کا بہترین طریقے سے مقابلہ کیا، ہماری حکومت کو سازش کے تحت ختم کرایا گیا، حکومت گری تو یہ سب مطمئن تھے کہ تحریک انصاف ختم ہو گئی ہے، اللہ نے کرم کیا قوم سڑکوں پر نکلنا شروع ہو گئی۔
چیئرمین پی ٹی آئی عمران خان نے کہا کہ میں 25 مئی کو ہونے والا ظلم کبھی نہیں بھولوں گا، ڈی چوک میں عوام پر ظلم کیا گیا، شیلنگ ہوئی ربڑ کی گولیاں چلائی گئیں، ان کا خیال تھا ایک بار ڈرائیں گے تو بھیڑ بکریوں کی طرح چپ کر کے بیٹھ جائیں گے، پنجاب کا الیکشن بھی یہ دھاندلی کر کے جیتنا چاہتے تھے لیکن ایسا نہ ہوا، یہ ہمیشہ اداروں کو استعمال کرتے ہیں، جودو نشستیں یہ جیتے بھی ہیں ان کی اسکروٹنی ہو تو وہ بھی ہار جائیں گے، یہ ہمیشہ اداروں کا استعمال کرتے ہیں۔
انہوں نے کہا کہ ذوالفقار علی بھٹو کواسی خوف سے قتل کیا گیا کہ وہ سڑکوں پر نہ آجائے، ذوالفقار علی بھٹو کا عدالتی قتل کیا گیا، ان کے کہنے پر الیکشن کمیشن نے جلد بازی میں فیصلہ سنایا، انہیں خوف ہے کہ قوم آزاد ہو رہی ہے، ان سے قوم سنبھالی نہیں جا رہی، یہ قوم کو غلام بنانا چاہتے ہیں، یہ الیکشن کمیشن کو استعمال کر کے قوم کو غلام بنانا چاہتے ہیں، الیکشن کمیشن کو ایسا ادارہ بنا دیا ہے جس کے ذریعے حکومت کنٹرول ہو سکتی ہیں، میں نے ڈھائی سال انتخابی اصلاحات کیلئے کوششیں کیں، اگر ای وی ایم آجاتی تو دھاندلی ناممکن ہو جاتی، سروے کرنے والی این جی او کے مطابق پاکستان میں 163 طریقوں سے دھاندلی ہوتی ہے، ن لیگ اور پیپلز پارٹی نے الیکٹرانک ووٹنگ مشین نہیں آنے دی، الیکشن کمیشن نے بھی ان دو جماعتوں کا بھرپور ساتھ دیا۔
حکومت نے آج سارا شہر بند کر دیا، شیخ رشید
عوام الناس سے وڈیو لنک کے ذریعے خطاب کرتے ہوئے سابق وزیراعظم عمران خان نے کہا کہ کرکٹ کی تاریخ میں بطورکپتان میں نے نیوٹرل ایمپائرمتعارف کرائے، سینیٹ الیکشن میں ایم پی اے کو خریدا جاتا ہے، خیبر پختونخوا میں اپنے 25 ایم پی اے کو نکالا کیونکہ وہ بکے تھے، سندھ ہاؤس میں منڈی لگی، الیکشن کمیشن کو فرق نہیں پڑا، لاہور میں بھی الیکشن کے دوران پیسے دیتے ہوئے لوگ پکڑے گئے، سندھ ہاؤس میں بھی ایم این ایزکوخریدا گیا لیکن الیکشن کمیشن کوفرق نہیں پڑا۔
چیئرمین پی ٹی آئی عمران خان نے کہا کہ سب کو معلوم تھا کہ اراکین قومی اسمبلی کا کیا ریٹ لگ رہا ہے؟ عوامی نمائندے پیسے پر بکے لیکن کوئی ایکشن نہیں لیا گیا، کرپٹ قوتیں ملک کو کنٹرول کرنا چاہتی ہیں،پیسے کے بغیر سیاسی پارٹی نہیں چل سکتی، کسی بھی سیاسی جماعت کو پیسہ چاہیے ہوتا ہے، جو بھی پاکستان کی سیاست کو سمجھتا ہے وہ 1985 کو یاد رکھے، یہ تو بڑے مافیا ہیں ان کو پیسے کی کمی نہیں ہے، نوازشریف پیسے کے بل بوتے پر سیاست میں آئے۔
پی ٹی آئی کو الیکشن کمشنر کے بجائے عمران خان سے استعفیٰ مانگنا چاہیے، مریم نواز
ہم نیوز کے مطابق عمران خان نے کہا کہ میں جب سیاست میں آیا 14 سال تک میری پارٹی چھوٹی پارٹی رہی، میرے لیے سب سے مشکل کام پیسہ اکٹھا کرنا تھا، میں نے شوکت خانم کے لیے پیسے اکٹھے کئے، آدھا پیسہ تو بیرون ملک سے ملا، تحریک انصاف پہلی پارٹی تھی جس نے سیاسی فنڈ ریزنگ کی، دنیا بھر میں سیاسی جماعتیں فنڈ ریزنگ کرتی ہیں، ان دونوں پارٹیوں کو تو باہر سے کوئی پیسہ نہیں دیتا، اگر یہ فارن فنڈنگ ہے تو بیرون ملک پاکستانی جو پیسے پاکستان بھیجتے ہیں وہ کیا ہے؟ اوور سیز پاکستانی آپ کو پیسہ بھیجیں تو یہ فارن فنڈنگ کیسے ہوئی؟
سابق وزیراعظم عمران خان نے اپنے خطاب میں کہا ک جب میں شوکت خانم کے لیے پیسے اکٹھا کرتا ہوں تو قانونی طریقے سے پیسہ آتا ہے، فارن فنڈنگ وہ ہے جو آپ کسی ملک سے پیسہ اکٹھا کریں، اس کیس میں کوئی چیزغیر قانونی نہیں تھی،شوکت خانم کا سالانہ بجٹ 16 ارب روپے ہے، شہباز شریف نےعدالت میں بیان حلفی جمع کرایا کہ نوازشریف واپس آئیں گے، بیان حلفی اورسرٹیفکیٹ دومختلف چیزیں ہیں۔
