سیاسی قصابوں نے مویشی منڈی کی رونق ختم کر دی، شیخ رشید

شیخ رشید

راولپنڈی: سابق وزیر داخلہ اور عوامی مسلم لیگ کے سربراہ شیخ رشید احمد نے کہا ہے کہ سیاسی قصابوں نے مویشی منڈی کی رونق ختم کر دی ہے۔

ٹوئٹر پر جاری بیان میں انہوں نے کہا کہ بے روزگاری عام ہے اور سرمایہ کاری نایاب۔ غریب گھریلو سامان بیچ رہا ہے، بچوں کو اسکولوں سے اٹھا رہا ہے۔ پٹرول اور بجلی کے بعد اب گیس کی قیمت بڑھے گی تو لگ پتا جائے گا۔

انہوں نے کہا کہ حاجی واپسی پر 2 کنکریاں امپورٹڈ شیطانوں کے لیے پاکستان ساتھ لائیں۔ مہنگائی کی شرح 34 فیصد بڑھ گئی ہے۔غریب کوبھاشن نہیں راشن چاہیے۔

یہ بھی پڑھیں: نیپرا نے بجلی مزید مہنگی کرنے کی منظوری دے دی

شیخ رشید نے کہا کہ پنجاب میں ضمنی انتخاب کا نتیجہ سیاسی منظرنامہ بدل سکتاہے اور حکومت صرف اپنے کیسز ختم کروا رہی ہے۔ ابھی گیس اور بجلی کی قیمتیں اور بڑھیں گی۔ میرے 3 سکیورٹی اہلکاروں کو واپس بلا کرحکومت نے کم ظرفی اور ذہنی پستی کا ثبوت دیا ہے۔


متعلقہ خبریں