جو استعفیٰ نہیں دینا چاہتے ان کی رکنیت برقرار رہے گی، راجہ پرویز اشرف

کورونا: اسلام آباد اور راولپنڈی کے اسپتالوں میں جگہ نہیں ہے، راجہ پرویز اشرف

فوٹو: فائل


لاہور: اسپیکر قومی اسمبلی راجہ پرویز اشرف نے کہا ہے کہ جو استعفیٰ نہیں دینا چاہتے ان کی رکنیت برقرار رہے گی۔

اسپیکر قومی اسمبلی نے میڈیا سے گفتگو کرتے ہوئے کہا کہ ہم سب نے مل کر ملک کو بنانا ہے اور ہمیں ایک دوسرے کو برداشت کرنا ہو گا۔ کسی بھی منصب کا شخص ہو اسے آئین پاکستان کی پاسداری کرنا ہو گی۔

انہوں نے کہا کہ جو آئین پر عمل داری نہیں کرتا وہ آئین سے روگردانی کرتا ہے۔ میں اسپیکر ہوں اور ایوان کے نمائندوں کا تحفظ میری ذمہ داری ہے۔ جو استعفی نہیں دینا چاہتے ان کی ممبر شپ برقرار رہے گی۔

یہ بھی پڑھیں: تحریک انصاف نے بربادی، بیڈ گورننس اور کرپشن کی مثالیں قائم کیں، وزیر اعلیٰ پنجاب

راجہ پرویز اشرف نے کہا کہ میں لاہور ہائیکورٹ کے حکم پر قانونی ذمہ داری پوری کرنے آیا تھا، بحثیت اسپیکر قومی اسمبلی ایک ہی بات کہوں گا آئین کی پاسداری میں ہی ہماری بقا ہے۔ پارلیمان کی سربلندی اور آئین کی پاسداری ہمارا فرض ہے۔

انہوں نے کہا کہ صدر، وزیر اعظم یا گورنر کوئی بھی ہو اس کو قانون پر عمل کرنا چاہیے، میں بلا مقابلہ اسپیکر منتخب ہوا ہوں مجھے سب کے حقوق کا تحفظ کرنا ہے۔ جو استعفے میرے پاس قوانین کے مطابق آئے ہیں وہ قبول کروں گا باقیوں کو اپنے پاس بلانا چاہتا ہوں، استعفیٰ ہاتھ سے لکھنا ہوتا ہے اس کے کچھ قوائد ہوتے ہیں۔


متعلقہ خبریں