کراچی: انٹر بینک میں ڈالر ایک دن میں 2 روپے 87 پیسے مہنگا ہو گیا۔
ملک میں موجودہ سیاسی حالات کے پیش نظرکرنسی مارکیٹ میں روپے کی بے قدری اور ڈالر کی قیمت میں تیزی سے اضافے کا سلسلہ جاری ہے۔ کاروباری ہفتے کے چوتھے روز بھی ڈالر کی قدر میں اضافہ ہوا۔
فاریکس ڈیلرز کے مطابق انٹر بینک میں ڈالر 2 روپے 87 پیسے مہنگا ہونے کے بعد تاریخ میں پہلی بار 189 روپے کا ہو گیا۔
یہ بھی پڑھیں: سونے کی قیمت میں اضافہ، تاریخ کی بلند ترین سطح پر پہنچ گیا
گزشتہ روز انٹر بینک مارکیٹ میں ڈالر کی قدر میں 90 پیسے کا مزید اضافہ ہوا تھا اور روپے کے مقابلے میں امریکی ڈالر ملک کی تاریخ کی بلند ترین سطح 186 روپے 12 پیسے پر بند ہوا۔
اسٹیٹ بینک نے ڈالر کی خریداری پر پابندی لگاتے ہوئے کہا کہ ایک دن میں ایک شخص 10 ہزار ڈالر خرید سکتا ہے اور سفری سہولت کے لیے ایک سال میں 60 ہزار تک ڈالر خریدا جا سکتا ہے۔
