اسلام آباد: سابق صدر پاکستان آصف علی زرداری نے کہا ہے کہ عمران خان اس دفعہ ایک خط کے پیچھے چھپنے کی کوشش کررہا ہے۔
کیا کمیٹی نے 197 ارکان کو غدارقرار دیا؟بلاول نے ترجمان پاک فوج سے وضاحت مانگ لی
ہم نیوز کے مطابق انہوں ںے کہا کہ خط کے بارے میں نیشنل سکیورٹی کے ممبران یہ کہہ چکے ہیں کہ اس میں بیرونی سازش کے کوئی شواہد نہیں ملے ہیں۔
انہوں نے کہا کہ عمران خان کمیٹی کے عسکری ممبران کے بارے میں کہتے ہیں کہ وہ میری طرف سے مطمئن ہوگئے تھے لہٰذا اسٹیبلشمنٹ کی طرف سے جو سکیورٹی کمیٹی کے عسکری ممبران تھے وہ اس کی وضاحت کریں۔
سابق صدر مملکت آصف زرداری نے کہا کہ اب یہ معاملہ عمران خان یا متحدہ اپوزیشن کا نہیں، اب یہ معاملہ پاکستان کا ہے لہٰذا اس طرح کے حساس نوعیت کے معاملات میں تاخیر بھی ملک کیلئے نقصان دہ ہوتی ہے۔
اسٹیبلشمنٹ مبینہ خط پر پوزیشن واضح کرے، موڈ صدر کے مواخذے کا بھی ہے: فضل الرحمان
ہم نیوز کے مطابق آصف زرداری نے کہا کہ یہ معاملہ اب تحریک عدم اعتماد کا نہیں رہا، اب ملکی سلامتی کا ہے۔
