اسلام آباد: الیکشن کمیشن پر وفاقی وزیر اعظم خان سواتی کے الزامات سامنے آنے پر چیف الیکشن کمشنر نے سخت برہمی کا اظہار کرتے ہوئے اجلاس طلب کرلیا ہے۔
الیکشن کمیشن جیسے اداروں کو آگ لگا دیں، اعظم سواتی
ہم نیوز نے اس ضمن میں ذمہ دار ذرائع سے بتایا ہے کہ اسپیشل سیکرٹری ظفر اقبال نے قائمہ کمیٹی میں پیش آنے والے واقعے سے چیف الیکشن کمشنرکوآگاہ کردیا ہے۔
ذرائع کے مطابق چیف الیکشن کمشنر سکندر سلطان راجہ نے اس مسئلے پر الیکشن کمیشن کا خصوصی اجلاس پیر کو طلب کر لیا ہے جس میں تمام ممبران کو شرکت کی ہدایت کی گئی ہے۔
ہم نیوز نے ذرائع سے بتایا ہے کہ چیف الیکشن کمشنرکی جانب سے ڈی جی لاء کو قانونی آپشنز پر بریفنگ دینے کی بھی ہدایت کی گئی ہے۔
چیف الیکشن کمشنر پر اعتماد نہیں، سیاست کرنی ہے تو عہدہ چھوڑ کر الیکشن لڑیں: فواد چودھری
الیکشن کمیشن ممبر سندھ کی غیر حاضری کے باعث آج ہونے والا اجلاس بھی مؤخر کردیا گیا ہے۔