پاکستانی سپر اسٹار ماہرہ خان نے انسٹاگرام پر اپنے دوست سلیم کریم کے لیے ایک بار پھر اپنی محبت کا اظہار کر دیا۔
انسٹاگرام پر ماہرہ نے ایک پوسٹ کی جس میں لکھا کہ ” آپ نے مجھے بہتر انسان بنایا، اورآپ ہی صحیح انسان اور صحیح محبت ہیں”۔
ماہرہ نے اس خوبصورت پوسٹ کے نیچے ایک دل بھی بنایا اور ساتھ ہی اپنے دوست “سلیم کریم” کو ٹیگ کر دیا، جس پر ماہرہ کے مداحوں نے خوشی کا اظہار کیا ہے۔
View this post on Instagram
ماہرہ خان اس سے پہلے بھی سلیم کریم سے اپنی محبت کو اپنی خوش قسمتی کا نام دے چکی ہیں۔
گزشتہ سال اداکارہ ماہرہ خان نے فیشن ڈیزائنر حسن شہریار یاسین کے ساتھ انسٹاگرام پر ایک لائیو ویڈیو سیشن کے دوران بتایا کہ انہیں سلیم کریم سے محبت ہوگئی ہے۔
یہ بھی پڑھیں: ماہرہ خان کو بچپن کی یاد آگئی
انہوں نے کہا تھا کہ اس سے متعلق بیان کرنا مشکل ہے، پتہ نہیں وہ مجھے کسی نیکی کے بدلے ملے ہیں وہ اس کی مستحق تو نہیں تھیں۔
میزبان ایچ ایس وائی نے جب اداکارہ سے سوال کیا کہ آپ جب انہیں دیکھتی ہیں تو کیا احساس ہوتا ہے۔ جس پر پاکستانی سپر اسٹار کا کہنا تھا کہ انہیں ہمسفر ڈرامے کی ایک لائن یاد آتی ہے جس میں اشعر نے خرد کے بارے میں کہا تھا کہ “پتا نہیں تم مجھے کس نیکی کے بدلے میں ملی ہو”۔
ماہرہ خان اس وقت ہم ٹی وی کے ڈرامہ سیریل ” ہم کہاں کے سچے تھے” میں نظر آرہی ہیں۔
