اسلام آباد: افغان طالبان ترجمان سہیل شاہین نے کہا ہے کہ بھارت افغانستان میں ترقیاتی منصوبے مکمل کرے کیونکہ وہ عوام کے لیے ہیں۔ انہوں نے واضح طور پر کہا کہ اگر امریکہ ہمیں تسلیم نہیں کرتا ہے تو اس کے معنی یہ ہوں گے کہ وہ افغانوں کی خواہشات کا احترام نہیں کرتا ہے۔
طالبان کو غیر ملکی زرمبادلہ کے ذخائر تک رسائی نہیں دی جائیگی، امریکہ
ہم نیوز کے پروگرام ’ہم مہر بخاری کے ساتھ‘ میں میزبان مہر بخاری کی جانب سے پوچھے جانے والے سوالات کے جوابات میں طالبان ترجمان نے کہا کہ گزشتہ تین ماہ سے بغیر لڑائی کے اضلاع ہمارے کنٹرول میں آرہے تھے۔
طالبان ترجمان سہیل شاہین نے اعتراف کیا کہ پر امید تھے کہ کابل پر قبضہ کرلیں گے لیکن خلاف توقع یہ بہت جلدی ہوا۔ انہوں ںے کہا کہ افغان عوام کو پریشان نہیں ہونا چاہیے۔ ان کا کہنا تھا کہ تعجت ہوا کہ لوگ جہازوں پر چڑھ رہے ہیں۔
پروگرام میں طالبان ترجمان سہیل شاہین نے کہا کہ سابقہ کابل انتظامیہ کے جو لوگ پریشان ہیں وہ بھی پرسکون رہیں۔ انہوں نے کہا کہ لڑکیوں کو تعلیم حاصل کرنے کےحق سے محروم نہیں کریں گے۔
اشرف غنی چار گاڑیاں، ایک ہیلی کاپٹر ڈالروں سے بھر کرنکلا،اضافی رقم پھینکنی پڑی
سہیل شاہین نے کہا کہ ہماری پالیسی واضح ہے کہ کسی گروپ کو افغان سرزمین استعمال نہیں کرنے دیں گے ۔ انہوں نے کہا کہ یہ صرف پروپیگنڈہ کیا جا رہا ہے کہ افغان سرزمین کسی کے خلاف استعمال ہو گی۔
ہم نیوز کے پروگرام میں بات چیت کرتے ہوئے ترجمان افغان طالبان نے کہا کہ افغانوں پر مشتمل اسلامی حکومت چاہتے ہیں۔ انہوں نے کہا کہ ابھی فیصلہ نہیں ہوا کہ افغانستان کا نیا سربراہ کون ہوگا؟
میزبان مہر بخاری کے استفسار پر سہیل شاہین نے واضح طور پر کہا کہ اگر امریکہ آئندہ 20 سال مزید بھی لڑتا تو وہ پھر بھی یہاں سے جانے پر مجبور ہوتا۔ ان کا کہنا تھا کہ افغانستان کی تاریخ سب کے سامنے ہے۔
بھارت رونا دھونا بند اور ہمیں تسلیم کرے، ترجمان طالبان
ترجمان افغان طالبان نے کہا کہ سابق حکومت بہت کرپٹ تھی اس لیے آفیشل نے سرنڈر کیا۔ انہوں نے کہا کہ اشرف غنی کسی کو بتائے بغیر بھاگ گئے۔
