کراچی: بجلی کی طویل بندش نے شہریوں کو اذیت سے دوچار کردیا

کراچی کے کسی بھی علاقے میں 12 گھنٹے سے زائد لوڈ شیڈنگ نہیں ہو رہی، کے الیکٹرک

کراچی: شہرقائد میں مون سون کی ہونے والی تباہ کن بارشوں نے جہاں نظام زندگی بری طرح متاثر کیا ہے اور لوگوں کی زندگیاں اجیرن بنا دی ہیں تو وہیں بجلی کی بندش اوراس کی فراہمی میں آنے والے طویل تعطل نے شہریوں کو مزید اذیت سے بھی دوچار کردیا ہے۔

کراچی میں بارش سے بجلی کی تنصیبات کو نقصان، ترسیل معطل

ہم نیوز کے مطابق کراچی کے علاقوں یوسف گوٹھ، بسم اللہ گوٹھ اور سیکٹر تین میں گزشتہ چھ دنوں سے بجلی کی فراہمی معطل ہے۔

علاقہ مکینوں نے ہم نیوز کو بتایا ہے کہ گزشتہ چھ دنوں کے دوران ایک لمحے کے لیے بھی بجلی فراہم نہیں کی گئی ہے جس کی وجہ سے وہ ناقابل بیان تکلیف میں مبتلا ہیں۔

متاثرین کا کہنا ہے کہ بجلی کی مسلسل بندش کی وجہ سے نہ صرف ان کی الیکٹرنک اشیا چارج نہیں ہو سکی ہیں بلکہ ان کے گھروں میں قلت آب کی صورتحال بھی پیدا ہو گئی ہے کیونکہ پانی کی موٹریں نہیں چل سکی ہیں۔

کراچی: بجلی، نکاسی آب کے مسائل حل نہ ہو سکے، صورتحال گھمبیر

ہم نیوز کے مطابق گلشن اقبال کے بلاک 13-ڈی اور گلستان جوہر میں بھی صبح آٹھ بجے سے بجلی کی فراہمی معطل ہے۔

شہر قائد کو بجلی فراہم کرنے والے ذمہ دار ادارے ’کے الیکٹرک‘ کے ترجمان کا اس ضمن میں کہنا ہے کہ سرجانی ٹاؤن میں پانی کی نکاسی تک بجلی کی فراہمی کسی طور بھی ممکن نہیں ہے۔

مون سون نے کراچی میں تباہی مچادی، بجلی کی بندش نے شہریوں کی تکالیف بڑھا دیں

ہم نیوز کے مطابق کے الیکٹرک کے ترجمان کا کہنا ہے کہ شہری انتظامیہ کے تعاون سے بجلی کی بحالی کا کام جاری رکھے ہوئے ہیں۔


متعلقہ خبریں