وزیراعظم عمران خان کی زبان کیا پھسلی مسلم لیگ ن کی نائب صدر مریم نواز شریف نے طعنوں کے نشتر برسا دئیے ۔
سماجی رابطوں کی ویب سائٹ ٹوئٹر پر جاری پیغام میں مریم نواز نے کہا ’نقل کے لیے بھی عقل چاہیے، پرچی سے پڑھیں تو تماشہ بنتا ہے، پرچی کے بغیر بولے تو اور بھی بڑا تماشہ بنتا ہے‘۔ سوشل میڈیا صارفین نے بھی عمران خان کے قائداعظم سے متعلق بیان کو تنقید کا نشانہ بنایا ہے ۔
وزیراعظم عمران خان کی زبان گزشتہ روز سوہاوہ میں ایک تقریب سے خطاب کے دوران ایک بار پھر پھسل گئی ۔ عمران خان نے ’روحانیت‘ کو روحینت اورروحینات پڑھتے رہے ۔ تقریب میں موجود کسی نے انکی تصحیح کرائی تب جاکر انہوں نےلفظ ’’روحانیت‘‘ کو صحیح طریقے سے ادا کیا۔
عمران خان کہنا چاہتے تھے کہ وہ ’’روحانیت کو سپر سائنس‘‘ بنائیں گے۔
زبان پھسلنے پر مریم نواز شریف نے وزیراعظم عمران خان کو آڑے ہاتھوں لیا۔ کہا سیانے کہتے ہیں نقل کے لیے بھی عقل چاہیےپرچی کا طعنہ دینے والا نہ اپنا حلف پڑھ سکا تھا نہ لکھی ہوئی پرچی پڑھ سکتا ہے۔ پرچی سے پڑھے تو تماشہ بنتا ہے، پرچی کے بغیر بولے تو اور بھی بڑا تماشہ بنتا ہے، قدرت بھی کس کس طرح بدلے چکاتی ہے۔
سیانے کہتے ہیں نقل کے لیے بھی عقل چاہیے-
پرچی کا طعنہ دینے والا نہ اپنا حلف پڑھ سکا تھا نہ لکھی ہوئی پرچی پڑھ سکتا ہے۔ پرچی سے پڑھے تو تماشہ بنتا ہے، پرچی کے بغیر بولے تو اور بھی بڑا تماشہ بنتا ہے، قدرت بھی کس کس طرح بدلے چکاتی ہے !— Maryam Nawaz Sharif (@MaryamNSharif) May 5, 2019
سماجی رابطے کی ویب سائٹ ٹوئٹر پر وزیراعظم عمران خان کے قائداعظم سے متعلق بیان کوبھی تنقید کا نشانہ بنایا جا رہا ہے۔
ایک صارف نے کہا ہم نے آج تک قائداعظم کے بارے میں یہی پڑھا کہ ان کو ٹی بی ہے لیکن خان صاحب نے انکشاف کیا ہے کہ ان کو کینسر تھا ۔شیریں مزاری اب وضاحت کریں گی کہ خان کی زبان پھسل گئی تھی۔
قائد اعظم کی موت کی وجہ کینسر تھا … وزیراعظم کا ایچیسن کالج میں نیا انکشاف … جبکہ مطالعہ پاکستان کی کتابوں اور تاریخ میں قائد اعظم کی موت کی وجہ ٹی بی لکھی ہے …
— Jameel Farooqui (@FarooquiJameel) May 4, 2019
ماضی میں وزیراعظم عمران خان نے کہا حضرت عیسیٰ کا تاریخ میں ذکر نہیں، انھوں نے ہزاروں کلومیٹر فاصلے کے باوجود جاپان اورجرمنی کو پڑوسی ملک قرار دیاتھا عمران خان نے چین میں بیلٹ اینڈ روڈ فورم سے خطاب کرتے ہوئے صوبہ خیبرپختون خوا میں پانچ بلین درخت لگانے کا دعوی بھی کیا تھا۔
